امثال فلسطينية كح.......لعيون الشمالية,,,,,

عدد الرسائل : 2 العمر : 35 تاريخ التسجيل : 13/02/2009

ملاحظة((الامثال مكتوبة بالفلاحي يعني فلسطينية كح كح ع الاخر))

المهم هي المثال واهم شي رايكم

study

إذا انت أمير و أنا أمير، مين بيسوك الحمير؟

عاشر المصلي بتصلي و عاشر المغني بتغني

بكره بنكعد عالحيطة وبنسمع الزيطة

لو كان الزلام (الرجال) بشواربهم لكان الصرصور ازلمهم

صار للشرشوحة مرجوحة و لأبو بريص كبكاب

الإبن الوسخ يجيب لأهله المسبه

اذا كولنالها اطبخي بتكول مريضه ... بس اذا كولنالها تعي كلي بتكول وين معلكقتي العريضه

الطول طول النخله و العكل عكل سخله

اللي بدري بدري واللي ما بدري بيكول كف عدس

مجنون زت حجر بالبير .. بدو 100 عاكل يطلعوه

كوم حجار ولا هالجار

ضللك ورا العيار لباب الدار

مين بشهد للعروس... إمها و خالتها و عشره من حارتها

ما حد بيكول عن زيته عكر

يوم اللك ويوم عليك دير بالك فتح عينيك

سمره ونغشه، ولا بيضة ودفشة

الجوز رحمة ولو كان فحمة

عندك عيش وعندي عيش وفراغة العين ليش ؟

ريحة الإم بتلم

أخذتك شطر بطر يا سنسونة روحي ، جيت أكيد العدى كدت أنا روحي

إبنك على ما تربيه و جوزك على ما تعوديه

يا جاي بلا عزيمة يا كليل القيمة

ضحكة عنزة ع باب مسلخ

طب الجرة ع ثمها بتطلع البنت لأمها

..~*وتقبلوا تحياتي

عين الحيا ة

بارك الله فيك يا عين الحياة
ادامك الله وابقاك
شكرا على الامثال القيمة الرائعة
تحياتي لكي